Knongsrok
· 2023-12-12
ចង់បានមនុស្សស្រីរឹងមាំខ្លាំង! អ្នកត្រូវដឹងថា នាងជាប្រភេទមនុស្សស្រីបែបណាបានច្បាស់
#ចំណេះដឹង# #តិចនិចស្នេហា# #ស្នេហា#
1803
ភាគច្រើននៃមនុស្សប្រុស គេមិនចង់បានមនុស្សស្រីដែលរឹងមាំខ្លាំងពេកទេ ព្រោះមនុស្សស្រីដែលរឹងមាំខ្លាំង មើលទៅនាង មិនសូវជាទាក់ទាញ ទន់ភ្លន់នោះឡើយ ជាពិសេសនាងជាមនុស្សដែលសោះកក្រោះ សម្ដីមិនសូវពីរោះ មិនចេះយក់ចិត្តផ្គាប់ផ្គន់ទេ រឹតតែមិនចេះញ៉ិញក់ដាក់មនុស្សប្រុសឡើយ។
ភាគច្រើននៃមនុស្សស្រីដែលរឹងមាំខ្លាំង នាងក៏ជាមនុស្សស្រីដែលរឹងរូសខ្លាំងដូចគ្នាដែរ ព្រោះតែនាងមានឯករាជ្យភាពនៅក្នុងជីវិតខ្លួនឯងពេញទីហើយ ហើយនាងក៏ស្រឡាញ់សេរីភាពទាំងកាយ ចិត្ត និងគំនិតខ្លាំងបំផុតដែរ ដូច្នេះហើយ ទើបវាកា្លយជាបញ្ហាដែលនាងពិបាកនឹងមានគូ ឬមិនងាយមានអ្នកណាចង់បាននាងជាប្រពន្ធ ព្រោះគេខ្លាចនាងជាមនុស្សរឹងរូសខ្លាំង មិនចេះស្ដាប់ដៃគូ ឬអាចនឹងមើលងាយដៃគូ ពិបាកនឹងរស់នៅចុះសម្រុងគ្នា។
តែជាក់ស្ដែង មនុស្សស្រីដែលរឹងមាំខ្លាំង នាងក៏មានគុណសម្បត្តិជាច្រើនផងដែរ ដែលអាចជួយឱ្យដៃគូក្លាយជាមនស្សដែលមានសំណាង ប្រសិនបើគេបាននាងជាប្រពន្ធ។
អ្នកត្រូវដឹងថា មនុស្សស្រីដែលរឹងមាំខ្លាំង ដ្បិតថានាងអាចនឹងរឹងរូសមានះ ពេលខ្លះអាចនឹងមិនស្ដាប់ ប៉ុន្តែនាងជាមនុស្សស្រីដែលរឹងមាំ នាងហ៊ានជំនះរាល់បញ្ហា និងឧបសគ្គទាំងពួងដោយមិនខ្លាចរអា ឬរុញរានោះឡើយ ប្រសិនបើដៃគូរបស់នាង ឬជីវិតគ្រួសារជួបបញ្ហាដោយប្រការណាមួយ មនុស្សស្រីនេះហើយដែលនាងហ៊ានប្រឈមមុខនឹងទុក្ខលំបាកទាំងឡាយ ហើយក៏អាចជួយដៃគូត្រួសត្រាយផ្លូវ ទៅរកភាពជោគជ័យដោយល្អប្រសើរ។
ម្យ៉ាងវិញទៀត មនុស្សស្រីរឹងមាំ នាងមិនមានគំនិតមើលងាយ មើលស្រាលលើដៃគូនោះឡើយ ប្រសិនបើអ្នកមានគុណសម្បត្តិគ្រប់គ្រាន់ ជាដៃគូដ៏សក្តិសមសម្រាប់នាង តែបើអ្នកក៏ជាមនុស្សរឹងរូស ល្ងង់ធ្វើចេះ មិនចេះស្ដាប់ហេតុផលនាង នាងប្រាកដជាខឹង និងស្អប់ ហើយមើលងាយអ្នកមិនខានឡើយ។
មនុស្សស្រីរឹងមាំ ទោះពេលខ្លះនាងរឹងរូស រឹងក្បាលក៏ពិតមែន តែនាងប្រាកដជាប្រពន្ឌ ឬដៃគូដ៏ល្អ ព្រោះនាងមិនធ្វើជាបន្ទុកឱ្យអ្នកណា នាងនឹងពុះពារជ្រោមជ្រែងគ្រួសារ ជាពិសេស នាងនឹងជួយឱ្យប្ដីមានមុខមានមាត់ថែមទៀតផង ដូចពាក្យគេថា " នៅពីក្រោយមនុស្សប្រុសជោគជ័យ គឺមានមនុស្សស្រីនៅពីក្រោយ " គឺមនុស្សស្រីរឹងមាំ រឹងរូសនេះហើយ ដែលអាចជួយឱ្យប្ដីជោគជ័យបាននោះ៕
អត្ថបទ ៖ ភី អេក
ក្នុងស្រុករក្សាសិទ្ធ
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
រឿងគួរឲ្យសោកស្ដាយបំផុតក្នុងអាជីព Sir Alex ថាស្តាយនឹងមិនអាចយកបានកីឡាករ Spurs រូបនេះ
Glazers និង Ed Woodward មានជំហរបែបនេះលើករណីបណ្ដេញចេញលោក Ole Gunnar Solskjaer
ប្រផ្នូលល្អ ហេងៗ! សុបិនទាំង ៩ នាំមកនូវសុខភាពល្អ សំណាងល្អ និងលាភពរជ័យចូលមកក្នុងជីវិត
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
ការណែនាំពិសេស
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
មនុស្សស្រីមួយចំនួនគឺបែបហ្នឹង អាងខ្លួនចេះធ្វើការរកស៊ី រកលុយបាន ព្រហើន ចង់ត្រួតត្រាលើប្ដី និយាយស្ដី បាត់បង់ភាពថ្លៃថ្នូរ
ឧត្តុង្គឧត្តមណាស់! មនុស្សស្រីមានសម្បត្តិទាំងនេះ ធ្វើឱ្យប្ដីគោរពឱ្យតម្លៃ និងមានមោទនភាពចំពោះនាងបំផុត
ចង់ឱ្យមនុស្សប្រុសទាំងអស់បានអាន ជាពិសេសមនុស្សប្រុស ដែលមានប្រពន្ធកូនរួចហើយ
យោបល់ទាំងអស់ (0)