សុភមង្គលរបស់មនុស្សស្រី មិនគួរអាស្រ័យលើអ្នកដទៃទេ ទោះបីអ្នករៀបការ សាងគ្រួសារក៏ដោយ ដាច់ខាតកុំផ្ញើសុភមង្គលរបស់ខ្លួន ឱ្យប្ដីជាអ្នកផ្ដល់ឱ្យអ្នកឱ្យសោះ។ យ៉ាងណាមិញ ក្ដីសុខពេញមួយជីវិតរបស់អ្នក គួរតែខ្លួនអ្នកផ្ទាល់ ជាអ្នកផ្ដល់ឱ្យខ្លួនឯង។ ដូច្នេះហើយ អ្នកគួរតែមានលក្ខណៈសម្បត្តិទាំង ៥ យ៉ាងនេះ ទើបជីវិតអ្នកមានសំណាង និងមានក្ដីសុខសុភមង្គល។

១. ត្រូវមានឯករាជ្យ កុំពឹងផ្អែកលើអ្នកដទៃ

ពេលណាដែលស្ត្រីចង់ផ្គាប់ចិត្តខ្លួនឯង ដំបូងបំផុតដែលអ្នកត្រូវមាននោះគឺ ឯករាជ្យភាព។ ឯករាជ្យភាព មិនត្រឹមតែជាឯករាជ្យផ្នែកសេដ្ឋកិច្ចប៉ុណ្ណោះទេ ថែមទាំងឯករាជ្យមនោគមវិជ្ជា និងខាងវិញ្ញាណទៀតផង។ មនុស្សគ្រប់រូបគួរតែមានការងារផ្ទាល់ខ្លួនដើម្បីចិញ្ចឹមខ្លួនឯង មិនមែនចាំតែលាដៃសុំលុយអ្នកដទៃចាយនោះឡើយើ

២. ដើរតាមខ្លួនអ្នក ហើយរស់នៅតាមរបៀបដែលអ្នកចង់បាន

ដើម្បីផ្គាប់ចិត្តខ្លួនឯង អ្នកត្រូវតែធ្វើតាមខ្លួនឯង ហើយរស់នៅតាមរបៀបដែលអ្នកចង់បាន។ នេះមិនមានន័យថា យើងគួរតែល្អបំផុតក្នុងគ្រប់យ៉ាងនោះទេ ប៉ុន្តែយើងគួរតែស្វែងរកភាពរីកចម្រើននៅក្នុងផ្នែកដែលយើងចូលចិត្ត។

៣. ឱ្យតម្លៃបច្ចុប្បន្ន ហើយដឹងគុណចំពោះជីវិត

ឱ្យតម្លៃបច្ចុប្បន្ន ហើយដឹងគុណចំពោះជីវិត។ នេះជាវិធីមួយទៀតសម្រាប់អ្នក ដើម្បីផ្គាប់ចិត្តខ្លួនឯង។ ជីវិតរបស់យើងត្រូវតែមានរបស់ស្អាតៗជាច្រើន ហើយដរាបណាយើងមានអារម្មណ៍ថាត្រូវទៅតាមបេះដូងរបស់យើង នោះយើងនឹងរកឃើញភាពស្រស់ស្អាតនៅក្នុងជីវិត។

៤. ប្រឈមមុខនឹងការលំបាកដោយក្លាហាន រឹងមាំ និងសុទិដ្ឋិនិយម

ដើម្បីផ្គាប់ចិត្តខ្លួនឯង អ្នកក៏ត្រូវមានភាពក្លាហានប្រឈមមុខនឹងការលំបាក រឹងមាំ និងសុទិដ្ឋិនិយម។ ជីវិតនេះនឹងជួបការលំបាក និងបរាជ័យច្រើនរាប់មិនអស់ មិនថាពួកគេជានរណាឡើយ។ ប៉ុន្តែ លុះត្រាតែអ្នកប្រឈមមុខនឹងបញ្ហាទាំងអស់ដោយក្លាហាន ទើបយើងអាចរកឃើញសុភមង្គលពិតប្រាកដ។

៥. រៀនចេះអត់ឱន និងយោគយល់

បើចង់ផ្គាប់ចិត្តខ្លួនឯង អ្នកក៏ត្រូវរៀនចេះអត់ឱន និងយោគយល់ឱ្យបានច្រើនផងដែរ។ នៅពេលដែលយើងរៀនអត់ឱន និងយល់ពីអ្នកដទៃ នោះយើងអាចរស់នៅក្នុងភាពសុខដុមជាមួយអ្នកដទៃបានយ៉ាងល្អប្រសើរ។ ផ្ទះជាកន្លែងសម្រាប់ស្នេហា មិនមែនជាហេតុផលទេ។ ពាក្យនេះបង្ហាញពីការអត់ឱន និងការយោគយល់គ្នា ជួយយើងឱ្យយល់ពីសារៈសំខាន់នៃទំនាក់ទំនងផ្លូវចិត្ត និងការយោគយល់គ្នាទៅវិញទៅមក៕