Knongsrok
· 2023-09-30
ទំនាក់ទំនងខ្លះ មិនមែនមនុស្សប្រុសមិនច្បាស់លាស់នោះទេ តែមកពីមនុស្សស្រីរារែក
#ចំណេះដឹង# #ទំនាក់ទំនងស្នេហា# #ស្នេហា#
1544
បើនិយាយដល់ទំនាក់ទំនងស្នេហា ភាគីដែលងាយរងគ្រោះបំផុតគឺមនុស្សស្រី ហើយភាគីដែលខ្លាចរអាក្នុងការចាប់ផ្ដើមទំនាក់ទំនងបំផុតនោះ ក៏ជាមនុស្សស្រីដែរ។ ការដែលមនុស្សស្រីខ្លាចក្នុងការចាប់ផ្ដើម ខ្លាចក្នុងការសាងទំនាក់ទំនង ក៏ព្រោះតែនាងច្រើនតែជួបមនុស្សសាវា ព្រោះនាងជួបតែមនុស្សដែលចូលមកក្នុងជីវិតនាងដើម្បីតែលេងសើច គ្មានភាពច្បាស់លាស់ ទោះទាក់ទងគ្នាយូរឆ្នាំយ៉ាងណា ក៏បានត្រឹមតែឈ្មោះជាសង្សារ ចុងក្រោយគេទៅរៀបការជាមួយអ្នកថ្មី អ្វីៗល្អបានតែដំបូងប៉ុណ្ណោះ។ ដូច្នេះហើយ ទើបមនុស្សស្រីច្រើនតែរងគ្រោះ ជួបបញ្ហាច្រើនចំពោះទំនាក់ទំនង ព្រោះមនុស្សប្រុសភាគច្រើនគឺ ផ្លាស់ប្ដូរដៃគូស្នេហា សង្សារពីមួយទៅមួយតាមតែអារម្មណ៍ និងសេចក្ដីត្រូវការរបស់គេ សូម្បីតែមនុស្សប្រុសខ្លះ រៀបការមានប្រពន្ធទៅហើយ ក៏នៅតែមិនស្កប់ស្កល់ចំពោះទំនាក់ទំនងដែរ។
ប៉ុន្តែសម្រាប់ទំនាក់ទំនងខ្លះ ជាមួយនឹងមនុស្សប្រុសខ្លះ គាត់ពិតជាមានចិត្តស្មោះស្ម័គ្រ ដាក់ចិត្តចំពោះមនុស្សស្រីម្នាក់នោះពិតមែន តែជាក់ស្ដែង មនុស្សស្រីទៅវិញទេដែលរារែក គ្មានភាពប្រាកដប្រជាចំពោះស្នេហា ជាមួយនឹងមនុស្សប្រុសម្នាក់នោះ។ ជួនកាល អាចនាងអាងថាខ្លួនស្អាត មិនខ្វះទេអ្នកស្រឡាញ់ ប្រើសម្រស់អូសទាញ លែបខាយ ញ៉ែញ៉ងយ៉ាងសប្បាយ ព្រោះអាចនិយាយបានថា វាជាចំណង់ចំណូលចិត្ត ឬជាអ្វីដែលនាងត្រូវការ គឺបែបហ្នឹង។ ហើយពេលខ្លះទៀត នាងអាចនឹងអាងថាខ្លួនជាកូនអ្នកមាន មានចំណេះដឹង មានសមត្ថភាព ពូកែ ឆ្លាត នាងអាចនឹងផ្ដោតអារម្មណ៍ទៅកាន់ការងារ ឬការរកស៊ីជ្រុលហួស រហូតមិនខ្វល់ពីមនុស្សដែលនៅក្បែរខ្លួននាងឡើយ វាក៏អាចជាចំណុចមួយដែលបញ្ជាក់ថា សម្រាប់ទំនាក់ទំនងស្នេហាចំពោះនាង មានក៏បាន អត់ក៏បាន គឺមិនសំខាន់ទេ ហើយម្យ៉ាងទៀត ការដែលនាងសាងទំនាក់ទំនងឡើងមក ក៏គ្រាន់តែកំដរមួយពេល នាងមិនច្បាស់លាស់ឡើយ ព្រោះថាចុងក្រោយ នាងអាចនឹងតាមគ្រួសារ ឪពុកម្ដាយនាងទៅវិញទេ។
ដូច្នេះ និយាយចំពោះទំនាក់ទំនងស្នេហា ឱ្យតែជួបដៃគូដែលគ្មានភាពច្បាស់លាស់ មានចិត្តរារែក សាវា មិនថាជាមនុស្សប្រុស ឬមនុស្សស្រីទេ គឺសុទ្ធតែជាភាគីដែលត្រូវរងគ្រោះដូចគ្នា។ ដូចពាក្យគេថា ឱ្យតែជាមនុស្សស្មោះ ច្រើនតែត្រូវរងគ្រោះ ព្រោះតែមនុស្សក្បត់ចិត្ត។ ពេលខ្លះ គេមិនទាន់ថានឹងក្បត់ចិត្តយើងឡើយ ព្រោះកន្លងមក ទោះទាក់ទងគ្នាយូរប៉ុនណាក៏ដោយ គឺយើងគ្រាន់តែជាដៃគូសាកល្បង ឬចំណតដែលគេចតមួយពេលសិនតែប៉ុណ្ណោះ។ គេមិនក្បត់យើងទេ តែគេមានចិត្តរាករែក មិនច្បាស់លាស់ជាមួយនឹងយើងតាំងពីដំបូងមកម្ល៉េះ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
រឿងគួរឲ្យសោកស្ដាយបំផុតក្នុងអាជីព Sir Alex ថាស្តាយនឹងមិនអាចយកបានកីឡាករ Spurs រូបនេះ
Glazers និង Ed Woodward មានជំហរបែបនេះលើករណីបណ្ដេញចេញលោក Ole Gunnar Solskjaer
ប្រផ្នូលល្អ ហេងៗ! សុបិនទាំង ៩ នាំមកនូវសុខភាពល្អ សំណាងល្អ និងលាភពរជ័យចូលមកក្នុងជីវិត
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
ការណែនាំពិសេស
អាចរកបានប្ដី ឬប្រពន្ធបែបហ្នឹង ដឹងតែសំណាងសោយសុខ សុភមង្គលពេញមួយជីវិតហើយ
មនុស្សស្រីមួយចំនួនគឺបែបហ្នឹង អាងខ្លួនចេះធ្វើការរកស៊ី រកលុយបាន ព្រហើន ចង់ត្រួតត្រាលើប្ដី និយាយស្ដី បាត់បង់ភាពថ្លៃថ្នូរ
ឧត្តុង្គឧត្តមណាស់! មនុស្សស្រីមានសម្បត្តិទាំងនេះ ធ្វើឱ្យប្ដីគោរពឱ្យតម្លៃ និងមានមោទនភាពចំពោះនាងបំផុត
ចង់ឱ្យមនុស្សប្រុសទាំងអស់បានអាន ជាពិសេសមនុស្សប្រុស ដែលមានប្រពន្ធកូនរួចហើយ
យោបល់ទាំងអស់ (0)