ក្រៅពីការបរិភោគឱ្យបានត្រឹមត្រូវ និងធ្វើលំហាត់ប្រាណឱ្យបានទៀងទាត់ ភេសជ្ជៈសម្រកទម្ងន់ និងបន្សាបជាតិពុលទាំងនេះ ក៏អាចជួយបានច្រើនក្នុងការគ្រប់គ្រងទម្ងន់ និងកែទម្រង់រាងកាយបានយ៉ាងល្អផងដែរ។

១. ទឹកក្រូចឆ្មា

ទឹកក្រូចឆ្មាជាភេសជ្ជៈសម្រកទម្ងន់ដ៏ពេញនិយម ដែលមនុស្សជាច្រើនតែងទទួលទាន។ វាមានប្រសិទ្ធិភាពផ្តល់វីតាមីន C ដល់រាងកាយ ជួយដុតបំផ្លាញជាតិខ្លាញ់នៅកម្រិតកោសិកា ដោយហេតុនេះជួយកាត់បន្ថយខ្លាញ់ក្បាលពោះ និងកំណត់ការឡើងទម្ងន់ជាថ្មី។

វីតាមីន C ក៏ជួយបំបែកជាតិខ្លាញ់ក្នុងពេលហាត់ប្រាណផងដែរ។ នៅពេលដែលរាងកាយមិនត្រូវបានផ្តល់វីតាមីន C គ្រប់គ្រាន់ ការសម្រកទម្ងន់កាន់តែពិបាក។ ការផឹកទឹកក្រូចឆ្មាមួយកែវមុនពេលចូលគេង ក៏អាចជួយបំពេញជាតិទឹកដល់រាងកាយ បន្ធូរអារម្មណ៍ កាត់បន្ថយការហើមពោះ បង្កើនគុណភាពនៃការគេង និងពង្រឹងប្រព័ន្ធការពាររាងកាយ។

២. តែ Cinnamon

ផឹកតែ Cinnamon ប្រហែល 30 នាទីមុនពេលចូលគេង នឹងនាំមកនូវអត្ថប្រយោជន៍ជាច្រើនដល់រាងកាយ។ Cinnamon មានអត្ថប្រយោជន៍ជាច្រើនសម្រាប់ប្រព័ន្ធរំលាយអាហារ ជួយបង្កើនការរំលាយអាហារ។ តែ Cinnamon ក៏ផ្តល់នូវសារធាតុប្រឆាំងអុកស៊ីតកម្ម និងអង់ទីប៊ីយ៉ូទិកជាច្រើន ដែលជួយបន្សាបជាតិពុលក្នុងរាងកាយ។ អ្នកក៏អាចបន្ថែមទឹកឃ្មុំបន្តិច ដើម្បីនាំមកនូវរសជាតិកាន់តែឆ្ងាញ់។

៣. តែ Chrysanthemum

តែ Chamomile គឺជាភេសជ្ជៈដែលមានប្រសិទ្ធភាពក្នុងការសម្រកទម្ងន់ បន្សាបជាតិពុល និងធ្វើឱ្យស្បែកស្រស់ស្អាត។ វាក៏ជួយកាត់បន្ថយការហើមពោះបានយ៉ាងល្អផងដែរ។ តែ Chrysanthemum មានផ្ទុកជាតិកាល់ស្យូម ប៉ូតាស្យូម និងសារជាតិ flavonoids ជាច្រើន ដែលមានសមត្ថភាពបន្សាបជាតិពុលក្នុងរាងកាយ ជួយកម្ចាត់ជាតិទឹកលើស និងកំណត់ការហើម។ ការផឹកតែនេះមួយកែវមុនពេលចូលគេង ក៏មានប្រយោជន៍ផងដែរ ក្នុងការធ្វើឱ្យប្រសើរឡើងនូវគុណភាពនៃការគេង និងធ្វើឱ្យប្រសើរឡើងនូវការរំលាយអាហារ។

៤. ទឹកប្រទាលកន្ទុយក្រពើ

ទឹកប្រទាលកន្ទុយក្រពើ ជួយកាត់បន្ថយជាតិខ្លាញ់ដែលលើសដោយធម្មជាតិ។ ប្រទាលកន្ទុយក្រពើ ផ្តល់សារធាតុចិញ្ចឹមជាច្រើន ជួយពន្លឿនការរំលាយអាហារ និងកាត់បន្ថយការប្រមូលផ្តុំជាតិខ្លាញ់ក្នុងរាងកាយ។ លើសពីនេះ ទឹកប្រទាលកន្ទុយក្រពើ ក៏ជួយធ្វើឱ្យមានតុល្យភាពបាក់តេរីក្នុងពោះវៀន និងកាត់បន្ថយអាការពោះវៀនដែលធ្វើទុក្ខផងដែរ។ ប្រទាលកន្ទុយក្រពើ ត្រូវបានគេចាត់ទុកថាជាថ្នាំបញ្ចុះលាមកធម្មជាតិ ជួយរុញប៉ារ៉ាស៊ីតដែលមានគ្រោះថ្នាក់ចេញពីផ្លូវរំលាយអាហារ។

៥. ទឹកទំពាំងបាយជូរ

ទឹកទំពាំងបាយជូរ ក៏ជាភេសជ្ជៈផ្តល់សុខភាពល្អផងដែរ ជួយដុតបំផ្លាញជាតិខ្លាញ់ដែលលើស ជាពិសេសខ្លាញ់នៅត្រង់ក្បាលពោះ។ ការស្រាវជ្រាវបានបង្ហាញថា ការទទួលទានកាបូអ៊ីដ្រាតសាមញ្ញ ដែលមាននៅក្នុងទឹកទំពាំងបាយជូរ មានឥទ្ធិពលជម្រុញការសម្ងាត់អាំងស៊ុយលីននៅពេលយប់។

លើសពីនេះ ទំពាំងបាយជូក៏ផ្តល់នូវសារធាតុប្រឆាំងអុកស៊ីតកម្មជាច្រើន ដែលគាំទ្រការបំប្លែងកាឡូរីផ្ទុកជាតិខ្លាញ់ពណ៌សទៅជាខ្លាញ់ពណ៌ត្នោត និងបង្កើនល្បឿនការដុតកាឡូរី។ ចំណាំ ដើម្បីទទួលបានប្រសិទ្ធភាពល្អបំផុត អ្នកត្រូវផឹកទឹកទំពាំងបាយជូរសុទ្ធ មិនមែនទឹកទំពាំងបាយជូរកំប៉ុងដែលមានបន្ថែមជាតិស្ករនោះឡើយ។

៦. ទឹកតាសក់ទឹកក្រឡុក

តាសក់ជាអាហារមានជាតិកាល់ឡូរីទាប ជាតិទឹកខ្ពស់ និងមានជាតិសរសៃខ្ពស់ដែលល្អសម្រាប់ការសម្រកទម្ងន់។ តាសក់ប្រហែល ៥២ ក្រាមផ្តល់ត្រឹមតែ ៨ កាឡូរី ជាតិខ្លាញ់ ០.១ ក្រាម ប៉ុន្តែមានជាតិទឹក និងជាតិសរសៃច្រើន។ ការផឹកទឹកតាសក់ ឬទឹកក្រឡុកមុនពេលចូលគេង គឺជាវិធីដ៏ល្អមួយដើម្បីលើកកម្ពស់ការរំលាយអាហារក្នុងរាងកាយ បង្កើនការដុតកាឡូរី បង្កើតអារម្មណ៍ឆ្អែតបានយូរ ដោយហេតុនេះការពារការឃ្លានអាហារពេលយប់។

តាសក់ក៏មានផ្ទុកនូវសារធាតុប្រឆាំងអុកស៊ីតកម្មជាច្រើន ដែលធ្វើឱ្យស្បែកស្រស់ស្អាត និងការពារជំងឺរ៉ាំរ៉ៃមួយចំនួន ដែលបណ្តាលមកពីភាពតានតឹងដូចជាជំងឺទឹកនោមផ្អែម ជំងឺបេះដូង...។ ចំណាំ តាសក់នាំមកនូវអត្ថប្រយោជន៍ជាច្រើនចំពោះសុខភាព ប៉ុន្តែមិនគួរទទួលទានច្រើនពេកទេ។ ផឹកតែទឹកតាសក់តិចជាង 350ml ឬទឹកតាសក់ក្រឡុក ដើម្បីបង្កើតអារម្មណ៍ឆ្អែត។ ភេសជ្ជៈនេះមានប្រសិទ្ធិភាព diuretic ការប្រើប្រាស់ច្រើនពេក នឹងប៉ះពាល់ដល់ការគេងនៅពេលយប់៕

ប្រភព ៖ បរទេស / Knongsrok