នៅក្នុងគ្រាដែលលំបាក វាមិនមែនជារឿងងាយទេ ដែលយើងអាចក្រោកឈរឡើងមកវិញដោយខ្លួនឯង ឬអាចថានឹងបានជួបមនុស្សល្អៗ កំដរយើងហែលឆ្លងរាល់បញ្ហាទាំងនោះ។ យ៉ាងណាមិញ ក្នុងគ្រាមានបញ្ហា ការលំបាក ប្រសិនបើអ្នកបានជួបមនុស្ស ៣ ប្រភេទនេះ វាបង្ហាញថា អ្នកមានវាសនាល្អ បុណ្យសំណាងខ្ពស់ អាចឆ្លងផុតរាល់ទុក្ខ និងឧបសគ្គទាំងពួង។

១. មនុស្សដែលផ្តល់យោបល់ដល់អ្នកដោយភាពស្មោះត្រង់

ភាពមិនស្ថិតស្ថេរ នោះជាធម្មជាតិនៃជីវិតនេះហើយ។ បើថ្ងៃណាមួយអ្នកធ្លាក់ទៅក្នុងទីជ្រៅលំបាក យល់ថាជីវិតអយុត្តិធម៌ សូមកុំបារម្ភ។ ដរាបណាអ្នកមានឆន្ទៈបន្តឆ្ពោះទៅមុខ ថ្ងៃនៅតែរះ មេឃនៅតែស្រឡះល្អសម្រាប់អ្នកជានិច្ច។ នៅពេលដែលអ្នកជួបការលំបាក ប្រសិនបើមាននរណាម្នាក់ដែលចង់ទាញអ្នកឡើង និងផ្តល់ដំបូន្មានដល់អ្នក នោះគឺជាប្រភេទមនុស្សដែលអ្នកគួរគោរព និងនឹកដឹងគុណគេកុំបំភ្លេចឱ្យសោះ។

២. មនុស្សដែលផ្ដល់ក្ដីសង្ឃឹម និងភាពរីករាយដល់អ្នក

រស់នៅក្នុងជីវិតពិត និយាយឱ្យត្រង់ទៅ មានមនុស្សតិចណាស់ក្រៅពីឪពុកម្តាយរបស់អ្នក ដែលអាចរស់នៅជាមួយអ្នកបានយ៉ាងល្អ។ ដើមឡើយ ចិត្តគឺប្តូរដោយក្តីស្រលាញ់ ក្តីស្រលាញ់ គឺមានន័យ អ្នកប្រើភាពស្មោះត្រង់ក្នុងការព្យាបាល ប៉ុន្តែមានមនុស្សប៉ុន្មាននាក់ដែលដឹងគុណ និងគោរព។

ដូច្នេះមនុស្សដែលជួយអ្នកដោយស្មោះ ព្រោះជាក្ដីស្រឡាញ់រាប់អាន តែបើគេមិនជួយអ្នក វាជាហេតុផល គេមិនខុសនោះឡើយ។ ប្រសិនបើអ្នកជួបនរណាម្នាក់ផ្ដល់នូវកម្លាំងចិត្ត និងក្ដីសង្ឃឹមដល់អ្នក ហើយជួយអ្នកដោយស្មោះ។ ជាមួយអ្នកគេមានតែចិត្តស្មោះមិនមានគោលបំណង ឬប្រយោជន៍អ្វីឡើយ តែគ្រាន់តែចង់ឱ្យអ្នករស់នៅបានល្អ។ ប្រសិនបើអ្នកមានសំណាងគ្រប់គ្រាន់ដែលបានជួបមនុស្សបែបនេះ ចូរគោរព និងដឹងគុណពួកគេជានិច្ច។

៣. មនុស្សដែលមិនចោលអ្នកក្នុងគ្រាលំបាក

ក្នុងជីវិតមានគូស្នេហ៍ជាច្រើនដែលសាងគ្រប់យ៉ាងជាមួយគ្នា តែចុងក្រោយក៏ក្បត់គ្នាទៅវិញ។ ភ្លក្សភាពលំបាកជាមួយគ្នា ប៉ុន្តែមិននៅជាមួយគ្នាពេលទទួលបានជោគជ័យ។ បុគ្គលដែលអាចរក្សាចិត្តស្ងប់នៅចំពោះមុខផលប្រយោជន៍ ចែករំលែកនូវសេចក្តីរីករាយ និងទុក្ខជាមួយអ្នក គឺជាមនុស្សដែលយើងត្រូវតែថែរក្សាឱ្យបានល្អ៕

ប្រភព ៖ បរទេស / Knongsrok