TNAOT Morning
· 2022-03-23
អ្នកកើតឆ្នាំថោះ មមែ កុរ រាសីក្នុងថ្ងៃនេះឡើងខ្ពស់ត្រដែត លោកអ្នកធ្វើ្វអ្វីតែងឆ្លើយតបជាផលគ្រាន់ជាទីគាប់ចិត្តត្រឡប់មកវិញ
#ហុងស៊ុយ# #រាសី# #ជំនឿ# #ហោរាសាស្រ្ត#
4993
តាមក្បួនហោរាសាស្ត្រ ថ្ងៃពុធ ៦រោច ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែមីនា ឆ្នាំ២០២២ ឆ្នាំកុរ ឆុងជាមួយម្សាញ់។
សូមមើលរាសីរបស់លោកអ្នកក្នុងថ្ងៃនេះ ៖
ឆ្នាំជូត
រាសីល្អជាមធ្យម។ លោកអ្នកកើតឆ្នាំកណ្តុរឆ្លងដល់ខែក្រោយដំណើរជីវិតល្អប្រសើរបន្តិចវិញ ហើយរាល់កិច្ចការងារមានការចម្រើនលូតលាស់មួយកម្រិតវិញ។សម្រាប់ស្ត្រីរាល់បញ្ហាអាក្រក់ចៀសឆ្ងាយ ហើយផលល្អៗបានចូលមកជំនួសវិញ។ចំណែកបុរសដំណើរជីវិតមិនល្អប្រសើរជាងស្ត្រីទេ ចំពោះបញ្ហាខ្លះនៅតែតាមយាយីនៅឡើយដែរ។ការប្រកបការងារនៅថ្ងៃនេះវិញ មានកម្រិតមធ្យម ម្ល៉ោះហើយទោះធ្វើអ្វីក៏ដោយតែងមានការចម្រើនលូតលាស់សន្សឹមៗដូចសព្វមួយដង។អ្នកប្រកបរបររកស៊ីជួញដូរមានការជឿនលឿនទៅមុខគ្រាន់ បើហើយបើចង់ទិញកន្លែងលក់ដូរឬចង់រើទីកន្លែងលក់ដូរក៏តែងសមដូចប្រកបជានិច្ច។
រីឯបញ្ហាស្នេហាប្រុសស្រីបើចង់ចូលស្តីដណ្តឹងឬរៀបអាពាហ៍ពិពាហ៍អ្វីមួយជាឱកាសល្អប្រពៃ។
ឆ្នាំឆ្លូវ
រាសីល្អជាមធ្យម។ការធ្វើដំណើរទៅណាមកណាគប្បីមានការប្រយ័ត្នប្រយែងមិនអាចប្រមាថបានទេព្រោះអាចជះឥទ្ធិពលអាក្រក់ណាមួយមកវិញ។ក្នុងថ្ងៃនេះលោកអ្នកគួរប្រយ័ត្នប្រយែងរឿងឯកសារឬកិច្ចការផ្សេងៗព្រោះងាយភ្លាំងភ្លាត់និងបាត់បង់ណាស់។សម្រាប់អ្នកប្រកបរបររកស៊ីជួញដូរការរកផលចំណូលជួបស្ថានភាពតានតឹងបន្តិចតែយ៉ាងណាប្រាក់ចំណូលមានហូរចូលមួយៗគ្រាន់ចិញ្ចឹមឆ្នាំងបាយអញ្ចឹងដែរ។
រីឯបញ្ហាសេចក្តីស្នេហាប្រុសស្រីកុំគប្បីយកភាពប្រចែប្រច័ណ្ឌដាក់ខ្លួនច្រើននាំកើតតែរឿងរាវរកាំរកូសប៉ុណ្ណោះ។
ឆ្នាំខាល
រាសីល្អជាមធ្យម។នៅខែក្រោយនេះដួងរាសីរបស់លោកអ្នកល្អប្រសើរ ម្ល៉ោះហើយរាល់ការធ្វើអ្វីៗតែងជឿនលឿនទៅមុខជានិច្ច។ការប្រកបការងារលោកអ្នកមិនត្រូវខ្វាយខ្វល់ជាមួយអ្នកដទៃច្រើនពេកដែរព្រោះថាមានតែនាំទុក្ខដាក់ខ្លួនប៉ុណ្ណោះ។ចំពោះអ្នកប្រកបរបររកស៊ីជួញដូរពេលនេះជួបបាតុភាពពីការរកចំណូលបានតិចតែចំណាយទៅវិញច្រើនដែលអាចបណ្តាឱ្យមានគ្រោះមហន្តរាយដល់សេដ្ឋកិច្ចគ្រួសារ។
សេចក្តីស្នេហាពិសេសបុរសបើមានការចែចង់ឬបង្កើតស្នេហាថ្មីថ្មោងតែងអាចមានផ្លែផ្កាខ្លះៗផ្តល់ជាក្តីសង្ឃឹមឱ្យដឹងផងដែរ។
ឆ្នាំថោះ
រាសីខ្ពស់ត្រដែត។ទាំងស្ត្រីបុរសការរស់នៅលោកអ្នកត្រូវចេះរៀបចំគ្រួសារ និង ប្រាក់កាសឱ្យបានល្អទើបពុំមានអ្វីនាំឱ្យរែកពន់ភាពលំបាកលំបិននាពេលក្រោយ។នៅថ្ងៃនេះលោកអ្នកធ្វើ្វអ្វីតែងឆ្លើយតបជាផលគ្រាន់ជាទីគាប់ចិត្តត្រឡប់មកវិញ។អ្នកប្រកបរបររកស៊ីជួញដូរនៅថ្ងៃនេះដែរបើលោកអ្នកចង់ផ្លាស់ប្តូរមុខរបរថ្មីឬបើកធ្វើជំនួញតូចធំតែងផ្តល់ផលល្អៗមកវិញជានិច្ច។
រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយនិងផ្អែមល្ហែមប្រពៃ។
ឆ្នាំរោង
រាសីល្អជាមធ្យម។លោកអ្នកកើតឆ្នាំរោងឆ្លងដល់ខែក្រោយដួងរាសីបានផ្លាស់ប្តូរមកល្អប្រសើរវិញ។ទោះបីយ៉ាងណាសម្រាប់បុរសនៅមានគ្រោះយាយីធ្វើឱ្យដំណើរជីវិតពុំសូវសុខស្រួលប៉ុន្មានដែរ។ការប្រកបការងារនៅថ្ងៃនេះវិញលោកអ្នកជួបបញ្ហានឿយណាយ និងប្រទាំងប្រទើសច្រើនបន្តិចតែយ៉ាងណាក៏មានការរីកលូតលាស់សន្សឹមៗដូចសព្វមួយដង។អ្នកប្រកបរបររកស៊ីជួញដូរទោះជួញទីជិតឆ្ងាយវិញពុំសូវគាប់ប្រសើរទេគួរមានការប្រយ័ត្នប្រយែងបន្តិចពីព្រោះមានតែក្រុមមនុស្សចាំផ្តួលរំលំដោយក្តីឈ្នានីសច្រើន។
រីឯបញ្ហាស្នេហាប្រុសស្រីកុំគប្បីលេងម៉េះម៉ោះច្រើននាំកើតរឿងសៅហ្មងមានតែបញ្ហាប្រទាំងប្រទើសជាមួយគ្នាតែប៉ុណ្ណោះ។
ឆ្នាំម្សាញ់
រាសីស្រុតចុះ។ទាំងស្ត្រីបុរសមិនផ្តល់ផលល្អក្នុងការចរចា រឿងអ្វីមួយពីព្រោះថាការទទួលផលខាតបង់នោះច្រើនជាងល្អ។នៅថ្ងៃនេះបើទោះបីធ្វើអ្វីក៏ដោយលោកអ្នកតោងតែចេះគិតឱ្យបានគ្រប់ជ្រុងជ្រោយទើបគ្មានពាក្យថាត្រូវមកដេកសោកការនៅពេលក្រោយ។ដោយសារដួងរាសីស្រុតចុះ ដូចនេះចំពោះអ្នកប្រកបរបររកស៊ីជួញដូរមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្នប្រយែងឱ្យបានខ្លាំងក្លា។
រីឯបញ្ហាសេចក្តីស្នេហាកំលោះក្រមុំកុំចង់លលេងនឹងល្បែងកាមគុណប្រយ័ត្នកើតជារឿងធំគ្មាននរណាជួយកើត។
ឆ្នាំមមី
រាសីល្អជាមធ្យម។ការរស់នៅទាំងស្ត្រីបុរសត្រូវចងចាំថាមិនត្រូវចេះតែសម្លឹងខ្ពស់ និងស្រមើលស្រម៉ៃអ្វីមិនមែនការពិតពីព្រោះថានេះសុទ្ធសឹងរឿងឥតប្រយោជន៍ ហើយនាំឧបទ្រពចង្រៃដាក់ខ្លួន។ការប្រកបការងារថ្ងៃនេះពុំមានសូវជឿនលឿនទៅមុខ ហើយក៏មិនថយក្រោយដែរពោលគឹនឹងធឹងល្អប្រពៃ។អ្នកប្រកបរបររកស៊ីជួញដូរមានការខ្សត់ខ្សោយក្នុងការរកផលចំណូលណាស់ ដូច្នេះទាល់តែខិតខំខ្លាំងទើបអាចរកផលកម្រៃចិញ្ចឹមគ្រួសារទៅរួច។
សម្ព័ន្ធស្នេហាប្រុសស្រីមានភាពតែលតោលនិងខ្វាយខ្វល់ព្រោះ តែបញ្ហារកាំរកូស កំពុងកើតឡើងឥតសូវធូរស្បើយឡើយ។
ឆ្នាំមមែ
រាសីខ្ពស់ត្រដែត។នៅថ្ងៃនេះដួងរាសីល្អប្រសើរ ហេតុនេះធ្វើឱ្យមានការរីកចម្រើនលូតលាស់ និងរឿងរាវខ្លះដែលធ្លាក់តែអាក្រក់នឹងប្រែមកល្អប្រសើរឡើងវិញ។ការប្រកបការងារមានការជឿនលឿន និងផលសម្រេចគ្រាន់ឆ្លើយតបមកវិញគ្រាន់ជាទីកក់ក្តៅផ្លូវចិត្ត។អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។
សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តី មានភាពផ្អែមល្ហែមនិងស្រស់ស្រាយចំពោះគ្នាប្រពៃណាស់។
ឆ្នាំវក
រាសីធ្លាក់ស្រុតចុះ។ថ្ងៃនេះលោកអ្នកជួបនូវបញ្ហាប៉ះទង្គិចទៅលើប្រាក់កាស ហើយបញ្ហាមួយចំនួនរត់ចូលនាំឱ្យជួបសៅហ្មងមិនតិចសោះឡើយ។ការប្រកបការងារអ្វីមួយឃើញថាមិនសូវមានការជឿនលឿនទៅមុខប៉ុន្មានទេគឺតែងមានឧបសគ្គយាយីពិបាកក្នុងការទប់ទល់ជានិច្ច ។អ្នកប្រកបរបររកស៊ីជួញដូរវិញ ដោយសារយីអ៊ុនពុំសូវអំណោយផល ម្ល៉ោះហើយធ្វើឱ្យមានក្រុមមនុស្សតាមឈ្នានីសនិងព្យាបាទយាយីច្រើន។
រីឯសម្ព័ន្ធស្នេហាកំលោះក្រមុំកុំគប្បីឈ្លក់នឹងល្បែងកាមគុណប្រយ័ត្នរែកពន់ភាពទុក្ខសោកនៅពេលក្រោយ។
ឆ្នាំរកា
រាសីល្អជាមធ្យម។ទាំងស្ត្រីបុរសបើលោកអ្នកមានបំណងសង្ឃឹមលើអ្វីមួយឃើញថាមិនសូវឆ្លើយតបដូចគាប់បំណងនោះឡើយពោលគឺមានការខកបំណងច្រើនជាង។ការប្រកបការងារឃើញថាតែងមានឧបសគ្គខ្លះៗយាយីតែយ៉ាងណាបើលោកអ្នកប្រឹងប្រែងពុះពារនោះតែងសម្រេចបំណង។សំរាប់អ្នកប្រកបរបររកស៊ីជួញដូរពេលនេះមានការហូរចេញហូរចូលមិនទៀងទាត់ ដូច្នេះមិនគួរផ្សងព្រេងទៅបោះទុនរកស៊ីធំដុំ និង យកទៅលេងល្បែងស៊ីសងទ្បើយនាំជាប់ការកុនខ្លួន។
សម្ព័ន្ធស្នេហាប្រុសស្រីក្នុងថ្ងៃនេះមានភាពលូតលាស់ទៅមុខនិងកំពុងស្រុះស្រួលគ្នាល្អប្រពៃ។
ឆ្នាំច
រាសីល្អជាមធ្យម។លោកអ្នកទទួលរងនូវឧបទ្រពចូលយាយី ហើយកើតការមិនសប្បាយចិត្តនោះក៏មានច្រើននៅចំពោះមុខ។នៅថ្ងៃនេះទោះធ្វើអ្វីក៏ដោយលោកអ្នកមិនអាចប្រមាថបានទេពីព្រោះថាផលអាក្រក់នោះងាយកើតឡើងថែមទៀត។អ្នកប្រកបរបររកស៊ីជួញដូរលោកអ្នកកុំគប្បីមានការទុក្ខព្រួយច្រើនពេកព្រោះបើផលចំណូលជួបបញ្ហារអាក់រអួល ពិតមែនតែលោកអ្នកក៏មានភាពសុខដុមផងដែរ។
រីឯបញ្ហាស្នេហាកំលោះក្រមុំងាយកើតបញ្ហាចម្រូងចម្រាសណាស់គប្បីប្រយ័ត្នប្រយែងពាក្យសម្តីចរចាទៅរកគ្នាបន្តិចទើបប្រសើរ ។
ឆ្នាំកុរ
រាសីខ្ពស់ត្រដែត។ថ្ងៃនេះលោកអ្នកអាចមានមធ្យោបាយដ៏ល្អ និង ពិសេសអាចមានក្រុមមនុស្សណែនាំ ចង្អុរបង្ហាញផ្លូវឱ្យរកច្រកចេញពីបញ្ហាពីអ្វីមួយផង។រាល់កិច្ចការងាររបស់លោកអ្នករលូនល្អ ហើយអាចសម្រេចដល់គោលដៅ និងចៅហ្វាយអាណិតស្រឡាញ់ជានិច្ច។អ្នកប្រកបរបររកស៊ីជួញដូរបើលោកអ្នកចង់ផ្លាស់ទីកន្លែងលក់ដូរឬចង់ទិញទំនិញស្តុកទុកឃើញថាក៏ជាឱកាសប្រពៃណាស់។
សម្ព័ន្ធស្នេហាប្រុសស្រីមានភាពផ្អែមល្ហែមនិងសុខដុមរម្យនា៕ ប្រភព៖ រស្មីកម្ពុជា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
អ្នកកើតឆ្នាំជូត ម្សាញ់ មមី និងរកា រាសីក្នុងថ្ងៃនេះល្អជាមធ្យម អ្នកប្រកបរបររកស៊ីជួញដូរវិញត្រូវខិតខំ និងរវាសរវៃទើបអាចរកផលចំណូលចូលដោយធូរ
អ្នកកើតឆ្នាំឆ្លូវ ម្សាញ់ វក និងកុរ រាសីក្នុងថ្ងៃនេះល្អជាមធ្យម ដំណើរជីវិតជួបនូវបញ្ហាលំបាកផ្លូវចិត្ត និងកើតរឿងរ៉ាវប៉ះទង្គិចមួយចំនួនចំពោះមុខ
អ្នកកើតឆ្នាំខាល ម្សាញ់ មមែ ច កុរ រាសីក្នុងថ្ងៃនេះល្អជាមធ្យម អ្នកប្រកបរបររកស៊ីជួញដូរក្នុងថ្ងៃនេះជួបបញ្ហាប្រទាំងប្រទើសបន្តិច
ចង់ឲ្យអាំងប៉ាវបងប្អូន គួរចៀសវាងលេខនេះបើមិនចង់បាត់ជោគលាភ
ការណែនាំពិសេស
ព្រះមហាក្សត្រទ្រង់មានជំនឿលើ រាជរដ្ឋាភិបាលកម្ពុជាអាណត្តិថ្មី នឹងបន្តជំរុញកំណើនសេដ្ឋកិច្ច
តើឡេការពារកម្តៅថ្ងៃ ចាំបាច់ប៉ុណ្ណាក្នុងរដូវក្តៅ?
ចាប់ពីពេលនេះ ដល់ដាច់ខែមេសា ឆ្នាំទាំង ៣ រាសីអណ្ដែត លុយកាក់ កិត្តិនាម សុទ្ធតែគាប់ប្រសើរ
ហេតុអ្វីព្រះចន្ទ្រភ្លឺ? ការពិតដ៏គួរឱ្យចាប់អារម្មណ៍ទាំង ៩ ចំណុចអំពីព្រះចន្ទ្រដែលមនុស្សជាច្រើនមិនដែលបានដឹង
យោបល់ទាំងអស់ (0)