អ្នកចម្រៀង Marília Mendonça មានអាយុ 26 ឆ្នាំ ដែលជាអ្នកចម្រៀងដ៏មានប្រជាប្រិយបំផុតរបស់ប្រទេសប្រេស៊ីល និងជាអ្នកឈ្នះពានរង្វាន់ Grammy ឡាទីនត្រូវបានទទួលមរណភាពកាលពីថ្ងៃសុក្រក្នុងឧប្បត្តិហេតុធ្លាក់យន្តហោះនៅពេលនាងធ្វើដំណើរទៅប្រគុំតន្ត្រី។ 

ប៉ូលីសស៊ីវិលរបស់រដ្ឋ Minas Gerais ក៏បានបញ្ជាក់អំពីការស្លាប់របស់ Marília Mendonça និងអ្នកដំណើរបួននាក់ផ្សេងទៀតនៅលើយន្តហោះក៏បានស្លាប់ផងដែរ ដោយមិនបានផ្តល់ព័ត៌មានលម្អិតអំពីមូលហេតុដែលបានកើតឡើងនេះភ្លាមៗបានទេ។

ដំណឹងនេះបានបង្កឱ្យមានការសោកសៅនៅលើប្រព័ន្ធផ្សព្វផ្សាយសង្គមពីគ្រប់ជ្រុងទាំងអស់នៃប្រទេសប្រេស៊ីល រួមទាំងអ្នកគាំទ្រ អ្នកនយោបាយ តន្ត្រីករ និងអ្នកលេងបាល់ទាត់ផងដែរ។

ប្រធានាធិបតីប្រេស៊ីលលោក Jair Bolsonaro ក៏បានប្រើប្រាស់ប្រព័ន្ធផ្សព្វផ្សាយសង្គមដើម្បីកាន់ទុក្ខចំពោះមរណភាពនៃ "សិល្បករដ៏អស្ចារ្យបំផុតនៃជំនាន់របស់នាងផងដែរ" ។លោក​បាន​ថ្លែង​ថា​៖ «​ប្រទេស​ទាំង​មូល​ទទួល​បាន​ដំណឹង​នេះ​ដោយ​តក់ស្លុតខ្លាំងណាស់។

ប្រែសម្រួលដោយ÷ SO VANNA IU

ប្រភពដើម