ប្រិយមិត្តជាច្រើនប្រហែលជាធ្លាប់ដឹងហើយទាក់ទងនឹងកីឡាកាស WWE ដែលជាកម្មវិធីកម្សាន្តមួយដ៏ល្បីល្បាញនៅទូទាំងពិភពលោក ក៏ដូចជានៅកម្ពុជាផងដែរ ។ ទន្ទឹមនឹងនេះ កីឡាកាសក៏មានព្រឹត្តិការណ៍ធំៗជាច្រើនដែលបានផលិតឡើងដើម្បីបម្រើចំណីចក្ខុរបស់ទស្សនិកជន ក្នុងនោះព្រឹត្តិការណ៍ដែលមានភាពលេចធ្លោ និងមានលក្ខណៈអស្ចារ្យប្រចាំឆ្នាំមានតែ WrestleMania តែប៉ុណ្ណោះ។ នៅសល់ពេលតែប៉ុន្មានខែទៀតប៉ុណ្ណោះ ព្រឹត្តិការណ៍ដ៏កក្រើក ហើយអស្ចារ្យនេះនឹងធ្វើឡើង ហើយមានរឿងពិតចំនួន៥ អំពីព្រឹត្តិការណ៍ក្នុងឆ្នាំនេះដូចជា:

1. ឆ្នាំ២០២១នេះ WrestleMania នឹងធ្វើឡើងនៅពហុកីឡដ្ឋាន Raymond James Stadium ក្នុងទីក្រុង Tempa រដ្ឋ Florida សហរដ្ឋអាមេរិក ។

(រូបតំណាង)

2. WrestleMania ឆ្នាំនេះនឹងធ្វើឡើងរយៈពេល២ថ្ងៃដូចឆ្នាំមុនដែរពោលគឺនៅថ្ងៃសៅរ៍ ទី១០ និងថ្ងៃអាទិត្យ ទី១១ ខែមេសា ឆ្នាំ២០២១ ។

(រូបតំណាង)

3. នេះនឹងក្លាយជាព្រឹត្តិការណ៍ដំបូងដែលនឹងអនុញ្ញាតអោយមានទស្សនិកជនចូលរួមមើលផ្ទាល់(ដោយនឹងមានការអនុវត្តវិធានការសុវត្ថិភាព)ក្រោយខកខានមិនឱ្យទស្សនិកជនចូលមើលផ្ទាល់អស់រយៈពេលជាងមួយឆ្នាំចាប់តាំងពីពាក់កណ្ដាលខែមីនា ឆ្នាំ២០២០ ដោយសារការឆ្លងរីករាលដាលនៃជំងឺកូវីដ១៩ ។ 

(រូបតំណាង)

4. កីឡាករ Edge និងកីឡាការិនី Bianca Belair ជាអ្នកដែលត្រៀមសម្រាប់ការប្រកួតដណ្ដើមខ្សែក្រវ៉ាត់នៅព្រឹត្តិការណ៍នេះព្រោះពួកគាត់ទាំងពីរជាជ័យលាភីការប្រកួត Royal Rumble ។

(រូបតំណាង)

5. អ្នកដែលឧបត្ថម្ភផ្តាច់មុខសម្រាប់ WrestleMania លើកទី៣៧ គឺក្រុមហ៊ុន Snicker ហើយបទចម្រៀងផ្លូវការសម្រាប់ព្រឹត្តិការណ៍នេះមានចំណងជើងថា Save Your Tear ច្រៀងដោយ The Weeknd ។

(រូបតំណាង)

ប្រភព:https://en.m.wikipedia.org/wiki/WrestleMania_37

កែសម្រួលដោយ: សុខឡុង