ដើមអម្ពិល-DAP News
· 2023-02-01
រុស្ស៊ីវាយបក ចំពោះការចោទប្រកាន់របស់អាមេរិក ជុំវិញបញ្ហាសន្និសញ្ញាអាវុធ នុយក្លេអ៊ែរ
#Anatoly Antonov# #នុយក្លេអ៊ែរ# #ព័ត៌មាន# #រុស្ស៊ី# #ព័ត៍មានអន្តរជាតិ#
1246
បរទេស៖ ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិកបានច្រានចោលការអះអាងរបស់ទីក្រុងវ៉ាស៊ីនតោនដែលថា ទីក្រុងម៉ូស្គូកំពុងរំលោភលើកិច្ចព្រមព្រៀងនុយក្លេអ៊ែរដែលនៅសល់ចុងក្រោយរវាងប្រទេសទាំងពីរ។ នៅក្នុងបទសម្ភាសន៍ជាមួយ RIA Novosti កាលពីថ្ងៃពុធ លោក Anatoly Antonov បានចាត់ទុកការចោទប្រកាន់នេះថា “ជាការបំភ្លើស” ដោយទទូចថា រុស្ស៊ីតែងតែគោរពតាមបទប្បញ្ញត្តិនៃសន្ធិសញ្ញា New START ដោយគ្មានកំហុស។
យោងតាមសារព័ត៌មាន RT ចេញផ្សាយនៅថ្ងៃទី១ ខែកុម្ភៈ ឆ្នាំ២០២៣ បានឱ្យដឹងថា ក្រសួងការបរទេសអាមេរិកបានដាក់របាយការណ៍មួយទៅកាន់សភាកាលពីថ្ងៃអង្គារ ដែលជាលើកដំបូងដែលខ្លួនបានចោទប្រកាន់ទីក្រុងមូស្គូពីបទបំពានលក្ខខណ្ឌនៃកិច្ចព្រមព្រៀង ជាពិសេស របាយការណ៍នេះបានអះអាងថា មន្ត្រីរុស្ស៊ីបានច្រានចោលសំណើរបស់អាមេរិកសម្រាប់ការត្រួតពិនិត្យអាវុធនៅនឹងកន្លែង និងកិច្ចពិភាក្សាអនុលោមភាព។
ឆ្លើយតបទៅនឹងការចោទប្រកាន់នេះ លោក Antonov បាននិយាយថា វាគឺជាទីក្រុងវ៉ាស៊ីនតោនទៅវិញនោះទេ ដែលបានរំលោភលើកិច្ចព្រមព្រៀងដោយ “ខុសច្បាប់” ដកអាវុធយុទ្ធសាស្ត្រជាងមួយរយចេញពីការទទួលខុសត្រូវក្រោមសន្ធិសញ្ញា។
ឯកអគ្គរដ្ឋទូតរុស្ស៊ីរូបនេះ បាននិយាយទៀតថា “សកម្មភាពទាំងនេះទាក់ទងនឹងដែនកំណត់ New START ដែលធ្វើឱ្យខូចដល់គោលដៅសំខាន់នៃកិច្ចព្រមព្រៀង – ដើម្បីរក្សាតុល្យភាពនៃអាវុធវាយលុកជាយុទ្ធសាស្ត្ររបស់ភាគី” ៕ប្រែសម្រួលៈ ណៃ តុលា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ឃុំខ្លួនថៅកែ ស្ថានីយប្រេងឥន្ធនៈ ២នាក់ និង អ្នកចាត់ការម្នាក់ ពាក់ព័ន្ធនឹងការលក់ប្រេងមិនគ្រប់លីត្រ និងរឹងរូសចំពោះចំណាត់ការ របស់សមត្ថកិច្ចជំនាញ!
ពួកតាលីបង់ នឹងបង្ហាញទម្រង់រដ្ឋាភិបាល អាហ្វហ្គានីស្ថានថ្មី ក្នុងពេលប៉ុន្មាន សប្ដាហ៍ខាងមុខ
ពួកតាលីបង់ ព្រមានអាមេរិកនិងអឺរ៉ុប ស្តីពីជនភៀសខ្លួន ប្រសិនបើបន្តដាក់ទណ្ឌកម្ម លើអាហ្វហ្គានិស្ថាន
មន្រ្តីស្ថានទូតអាមេរិក នៅទីក្រុងកាប៊ុល ដុតលិខិតឆ្លងដែន របស់ជនភៀសខ្លួន អាហ្វហ្គានីស្ថាន នៅមុនពេលពួកតាលីបង់ ចូលកាន់កាប់
ការណែនាំពិសេស
ល្អដូចយិនស៊ិន! ភេសជ្ជៈទាំង ៣ ទទួលទានពេលល្ងាច ល្អខ្លាំងចំពោះសុខភាព អ្នកមើលរំលង ពិតជាខ្ជះខ្ជាយណាស់
X បានបញ្ជាឲ្យបង្វែរព័ត៌មាន អំពីអ្នកប្រើប្រាស់ ដែលបានធ្វើអន្តរកម្មជាមួយ Trump
គ្រួសារសេដ្ឋីវៀតណាម បានរងការចោទប្រកាន់ថាបានបោកប្រាស់លុយ ៤២ លានដុល្លារ
មនុស្សខ្លះស្រឡាញ់គ្នាទាក់ទងគ្នារាប់ឆ្នាំគិតថាគេជាមនុស្សត្រឹមត្រូវល្អជា តែដល់ពេលបានគ្នាជាប្ដីប្រពន្ធទើបដឹងថាគេនោះឆ្កួតសុទ្ធ
យោបល់ទាំងអស់ (0)